Parvoz

Ommaviy oferta

So'nggi yangilanish: 2026-08-05 · Maxfiylik siyosati →

Ushbu hujjat O'zbekiston Respublikasi Fuqarolik kodeksining ommaviy oferta (publichnaya oferta) qoidalariga muvofiq tuzilgan.

1. Umumiy qoidalar

Ushbu hujjat "FARZANDIM TECH" MCHJ (keyingi o'rinlarda — "Ijrochi") tomonidan taqdim etiladigan ommaviy oferta (ommaviy shartnoma taklifi) hisoblanadi. Parvoz — ota-onalar/vasiylar uchun bolalar xavfsizligi va raqamli nazorat xizmati (mobil ilova + backend infratuzilma).

Parvoz Parent ilovasida obuna sotib olish (to'lovni tasdiqlash) — ushbu ofertaning barcha shartlarini to'liq va so'zsiz qabul qilish (aksept) hisoblanadi. Foydalanuvchi ("Mijoz") to'lovni amalga oshirishdan oldin ushbu hujjat bilan tanishishi shart.

2. Oferta predmeti

Ijrochi Mijozga Parvoz platformasining kengaytirilgan (pullik) funksiyalariga kirish huquqini beruvchi obuna xizmatini taqdim etadi. Obuna Mijozning Parvoz Parent akkauntiga bog'lanadi va unga ulangan barcha bola qurilmalariga (Parvoz Growth ilovasi o'rnatilgan) tarqaladi.

Kengaytirilgan funksiyalarga quyidagilar kirishi mumkin: joylashuvni kuzatish va xavfsiz zonalar (geo-zonalar), ekran vaqtini boshqarish, ilovalarni cheklash, faollik statistikasi, ta'lim xizmatlari va boshqa premium imkoniyatlar (aniq ro'yxat ilova ichida ko'rsatiladi va tarif bo'yicha farqlanishi mumkin).

3. Tariflar va narxlar

Tarif	Oylik narxi	Yillik narxi
Free	Bepul	—
Standart	28 000 so'm	10 oylik narxida (2 oy bonus)
Premium	45 000 so'm	10 oylik narxida (2 oy bonus)

Narxlar QQS bilan (agar qo'llanilsa) ko'rsatilgan va to'lovni tasdiqlashdan oldin ilova ichida aniq ko'rsatiladi. Ijrochi narxlarni o'zgartirish huquqiga ega — o'zgarish mavjud faol obunaga emas, faqat keyingi yangi to'lovga qo'llanadi.

4. To'lov tartibi

• To'lov Parvoz Parent ilovasi ichida, quyidagi to'lov tizimlaridan biri orqali amalga oshiriladi: Click (hozirda faol), shuningdek Uzum va Payme (ulanish jarayonida, tez orada qo'shiladi)
• Qabul qilinadigan kartalar: Uzcard, Humo, Visa/Mastercard (tanlangan provayder imkoniyatiga qarab)
• Karta ma'lumotlari Ijrochi tomonida saqlanmaydi — ular to'g'ridan-to'g'ri tanlangan to'lov tizimi tomonida xavfsiz qayta ishlanadi
• To'lov muvaffaqiyatli amalga oshirilgach, obuna darhol faollashadi va tanlangan tarif doirasidagi funksiyalar barcha bog'langan bola qurilmalariga tarqaladi

5. Obuna muddati va yangilash

Avtomatik uzaytirish hozircha yo'q. Obuna tanlangan muddat (1 oy yoki 1 yil) yakunlangach, o'z-o'zidan yangilanmaydi va Mijoz kartasidan avtomatik yechilmaydi. Xizmatdan foydalanishni davom ettirish uchun Mijoz muddat tugagach ilova ichida qayta to'lovni o'zi tasdiqlashi kerak. Muddat tugashi haqida Mijozga ilova ichida bildirishnoma ko'rsatiladi.

Ushbu shart o'zgarganda (masalan, avtomatik uzaytirish qo'shilsa), ushbu oferta yangilanadi va Mijozlarga oldindan xabar beriladi.

6. Pul qaytarish shartlari

• Mijoz to'lovni bekor qilish/qaytarishni farzandimtech@gmail.com manziliga murojaat qilib so'rashi mumkin
• Murojaat ko'rib chiqilib, tasdiqlangan taqdirda, mablag' to'lov amalga oshirilgan bir xil kartaga, 5–10 ish kuni ichida qaytariladi
• Qaytarish muddati to'lov provayderi va bank tizimining ichki qayta ishlash vaqtiga bog'liq bo'lishi mumkin

Batafsil — To'lov va pul qaytarish sahifasi →

7. Tomonlarning huquq va majburiyatlari

Ijrochi majburiyati: to'langan tarifga mos funksiyalarni ta'minlash, foydalanuvchi ma'lumotlarini Maxfiylik siyosatiga muvofiq himoya qilish, texnik xizmat ko'rsatish.

Mijoz majburiyati: to'lov vaqtida to'g'ri ma'lumot berish, ilovadan qonuniy maqsadlarda foydalanish, xizmat shartlarini buzmaslik.

8. Javobgarlik va Force Majeure

Ijrochi texnik nosozliklar, uchinchi tomon xizmatlari (to'lov provayderi, aloqa operatorlari, internet-provayderlar) ishidagi uzilishlar sabab yuzaga kelgan vaqtinchalik xizmat ko'rsatib bo'lmaslik holatlari uchun javobgar emas, ammo bunday holatlarni imkon qadar tezroq bartaraf etishga harakat qiladi.

9. Nizolarni hal qilish

Tomonlar o'rtasidagi nizolar avvalo muzokaralar yo'li bilan, kelishuvga erishilmasa — O'zbekiston Respublikasi qonunchiligida belgilangan tartibda hal qilinadi.

10. Ofertaning amal qilish muddati va o'zgartirish

Oferta cheksiz muddatga amal qiladi va Ijrochi tomonidan istalgan vaqtda yangilanishi mumkin. Yangi tahrir shu sahifada e'lon qilingan kundan boshlab kuchga kiradi. Mijoz obunani sotib olayotgan vaqtdagi amaldagi tahrir qo'llaniladi.

11. Ijrochi rekvizitlari